Vöruþróun og markaðir

Markmið hópsins er að styrkja samkeppnishæfni íslenskra matvælaframleiðenda og söluaðila á erlendum mörkuðum og auka hlutdeild þeirra á neytendamarkaði og stuðla þannig að auknum útflutningstekjum.

Þetta verður gert með því að þróa markaðshæfar virðisaukandi (value added) matvörur úr innlendum hráefnum, afla vísindalegrar þekkingar um sérstöðu afurða og miðla henni til framleiðanda, söluaðila og eftir þörfum væntanlegra kaupenda. Við þróunina er horft til þarfa lokamarkaðar og endanlegra kaupenda ásamt því að mæta viðmiðum matvælalöggjafarinnar og þess gætt að vörur verði samkeppnisfærar á markaði, hvað verð og gæði varðar. Virðiskeðja matvæla á markaði til hráefna er metin, tækifæri til verðmætasköpunar dregin fram ásamt hindrunum og ógnunum. Til að mæta kröfum endanlegs markaðar verður leitast við að bæta gæði frumframleiðslunnar og hvernig staðið er að meðhöndlun fisks, þar með talið úr eldi, við slátrun og veiðar.  

Hópurinn þarf að byggja upp traust sambönd við innlenda framleiðendur og söluaðila. Stefnt er að því að hópurinn eða hluti hans geti orðið að einhvers konar vöruþróunardeild fyrirtækjanna og geti jafnvel stutt við, þar sem það á við, markaðsstarfið; hópurinn mun jafnframt leita eftir styrkjum í vel skilgreind verkefni í innlenda og erlenda sjóði. Hægt verður að vinna frumgerðir (sýnishorn fyrir kaupendur) að ýmsum vörum hjá Matís í tilraunaeldhúsi og matarsmiðjum. Ljóst er að hópurinn mun þurfa að gæta trúnaðar við viðskiptamenn sína (þ.e. þeir sem greiða fyrir þjónustuna) varðandi einstaka afurðir og verkefni.

  • 1903    Smáverkefni í matarsmiðjunni á Höfn
  • 1905    Verðmæti úr hliðarafurðum slátrunar og kjötvinnslu
  • 1936    NORA-Þurrkað lambakjöt
  • 1955    Grænmetissmiðja á Suðurlandi
  • 1956    Matur & Sjálfbær ferðaþjónusta
  • 1959    Kjötbókin. Vefútgáfa
  • 1995    Söl. Útbreiðsla, verkun og nýting
  • 2036    Reyking á fiski til útflutnings
  • 2068    Bragð úr Norðurhöfum,
  • 2094    Þróun matvara úr beltisþara
  • 2095    Fiskiperlur
  • 2108    Ferðamatur og sérfæði úr vestfirsku sjávarfangi
  • 2109    Tilbúnir réttir úr saltfiski
  • 2114    Nýting öfugkjöftu til vinnslu sjávarafurða
  • 2121    Vinnufundur um matarsmiðjur og ný norræn matvæli
  • 2144    Smáframleiðsla á þurrkuðum kjötvörum
  • 2146    Lausfryst grænmeti
  • 2147    Búðir fyrir fullvinnslu á uppsjávarfiskum
  • 1516    European Sensory Network
  • 2076    Heilsuréttir úr hafinu
  • 2110    Fagur fiskur í sjó
  • 2151    Nýsköpun í fiskbúðum
  • 2041    Staða þekkingar á markaði sjávarafurða og nýsköpunar drifin þróun
  • 2230    Viðbót
  • 2275    Vor í lofti