Lifun lirfa á fyrstu stigum eldisins er megin flöskuhálsinn við eldi sjávarfiska og hefur sérstök áhersla verið lögð á forvarnir á þessu stigi eldisins.

Fóðurkostnaður er ríflega helmingur af rekstrarkostnaði í fiskeldi og því mikilvægt að leita leiða til þess að lækka fóðurkostnað án þess að það komi niður á vexti og heilbrigði fisksins. Fóðurrannsóknir stuðla jafnframt að þróun markvissari næringar sem miðast að þörfum fi sksins.

Megin áhersla hefur verið lögð á notkun nýrrar ljósatækni til frestunar/útilokunar kynþroska við áframeldi á þorski. Við uppbyggingu þorskeldis hefur verið stuðst við þekkingu sem aflast hefur við eldi annarra tegunda en ljóst er að eldistækni er mikilvægt áherslusvið við eldi á þorski.

Helstu áherslur í fiskeldi

• Að bæta afkomu, vöxt og gæði sjávarfiska á fyrstu stigum eldisins.
• Að þróa eldri og nýja tækni til að auka hagkvæmni við framleiðslu helstu nytjategunda í eldi.
• Að leita leiða til lækkunar fóðurkostnaðar í fiskeldi án þess að það komi niður á vexti fisksins eða gæðum afurða.

Helstu verkefni sem unnið er að

• Lífvirk efni í lirfueldi lúðu og þorsks.
• Þróun aðferða við myndgreiningu.
• Framleiðsla hjóldýra fyrir þorskeldi.
• Próteinþörf bleikju.
• Kjöreldisaðstæður í bleikjueldi.
• Votfóður fyrir eldisþorsk.
• Ljóslotustýring í þorskeldi.