Sviðið Líftækni og lífefni hefur með höndum rannsóknir á lífefnum og þróun í líftækni. Í rannsóknunum er unnið með lífefni, lífvirk efni og ensím út frá því markmiði að vinna markaðshæfar afurðir.
Íslensk náttúra er lykillinn að öllu rannsóknarstarfi sviðsins. Í líftæknihluta þess er lögð áhersla á að finna örverur á hverasvæðum og í hafinu til framleiðslu á virkum og öflugum ensímum sem nýta má í matvæla- og efnaiðnaði. Um er að ræða ensím sem hafa virkni sem ekki þekkist annars staðar og eru þau eftirsótt af framleiðendum víða um heim.
Efni sem hafa líffræðilega virkni er víða að finna í náttúrunni. Skimað er fyrir virkni þeirra, bæði jákvæðri og neikvæðri. Jákvæða virknin er eftirsótt til framleiðslu á heilsuvörum og til að fyrirbyggja ýmsa kvilla og sjúkdóma. Þar má nefna lækkun blóðþrýstings, viðspyrnu gegn krabbameini, varnir gegn hjarta- og æðasjúdómum og fleira.
Rannsóknir sviðsins á lífvirkum efnum beinast sér í lagi að hafinu umhverfis landið og því sem það gefur af sér. Lífvirku efnin er að finna í þörungum, aukaafurðum úr fiski og víðar en einnig er tækniþekking sviðsins nýtt til að vinna lífvirk efni úr lífverum á borð við sæbjúgu og hákarla, svo dæmi sé tekið. Þegar lífvirk efni finnast er samsetning þeirra rannsökuð, tilraunir gerðar á virkninni á dýrum og loks eru fundnar leiðir til að eingangra efnin og koma þeim í markaðshæft form.
Mikilvægur þáttur í starfi sviðsins er starfsemi Líftæknismiðju Matís á Sauðárkróki, sem er ein af fullkomnustu tilraunastofum á Íslandi.
Helstu verkefni sem unnið er að á sviðinu Líftækni og lífefni má finna hér.
Faghópar sviðsins:
Sviðsstjóri:
Hörður G. Kristinsson
Guðmundur Óli Hreggviðsson
Starfsemi sviðsins:
Höfuðstöðvar Matís, Reykjavík
Matís, Sauðárkróki
