Ensím úr íslenskri náttúru
Matís hefur lagt stund á rannsóknir á erfðaauðlindum Íslands og hefur verið í farabroddi slíkra rannsókna hér á landi. Áhersla hefur verið lögð á að finna og markaðssetja ný og betri iðnaðar- og rannsóknarensím úr hita- og kuldakærum örverum, þar á meðal ýmiss konar umbreytingarensím er breyta eiginleikum fjölsykra eins og sterkju og sellulósa.

Líftækni er vinnsla á lífefnum úr frumum eða frumuhlutum. Má þar nefna ensím, peptíð, amínósýrur eða annars konar lífrænar sameindir, t.d. vítamín, andoxunarefni, fjöl- og fásykrur.

Þjónusta

• Sala á ensímum: ensímlisti
• Leit að nýjum ensímum
• Endurbætur á ensímum
• Framleiðsla á ensímum
• Notkun ensíma við framleiðslu á lífefnum

Líftæknideild Matís hefur unnið að ýmsum þróunarverkefnum tengdum líftækni. Má þar nefna:

• þróun og framleiðslu á ensímum sem nýta má í lyfjaiðnaði
• þróun og framleiðslu á ýmis konar ensímum sem nýta má í erfðatækni
• þróun og framleiðslu á peptíðum
• þróun og framleiðslu á umbreyttum fásykrum

Matís hefur verið í samstarfi við alþjóðleg fyrirtæki við þróun á nýjum ensímum í matvæla- fóður og efnaiðnaði. Má þar nefna matvælafyrirtækin Nestlé, og Roquette, efnafyrirtækin Wacker Chemie og Jülich Chiral Solutions og fleiri.

Helstu áherslur eru:

• Einangra og skilgreina ensím sem nýtast í líftækni.
• Nýta erfðaauðlindir Íslands.
• Einangrun og skilgreining ensíma með aðferðafræði líftækni, ensímfræða og erfðatækni.
• Klónun og framleiðsla ensíma fyrir matvælaiðnað og efna- og lyfjaiðnaði.
• Þróun framleiðsluferla í matvælalíftækni og orkulíftækni.

Helstu verkefni:

• Beta-Glycosyl transferases
• EU streptomyces
• RNA - ligase
• Cellulase
• Þörungar - frumuveggur - rof