Örverur sem þrífast best við jaðarskilyrði t.d. hátt/lágt hitastig; hátt/lágt sýrustig (pH); mikla seltu, mikinn þrýsting kallast jaðarörverur (extremophiles). Hitakærar örverur sem finnast í hverum eru gott dæmi um jaðarörverur.

Matís á gott stofnasafn hitakærra örvera sem hafa verið einangraðar úr hverum í sjó og á landi allt frá árinu 1986.

Hjá Matís er unnið að rannsóknum á tegundasamsetningu hitakærra örvera í hverum á háhitasvæðum á vegum Rammaáætlunar um nýtingu á jarðvarma.

Ennfremur er unnið að verkefnum þar sem leitað er að hitaþolnum ensímum sem nýta má í iðnaði og rannsóknum.