Helstu verkefni:
Rannsóknir og þróun á  lífvirkum efnum og matvælum, nýtingu vannýttra afurða, t.d. þörunga og loðnu, heilnæmi matvæla, stöðugleika matvæla og ensímum úr íslenskri náttúru. Nýting á vannýttum sykruhráefnum í umhverfinu s.s. úr þangi, brjóski, kítíni og sellulósa er skoðuð og klónun og framleiðsla ensíma fyrir matvælaiðnað. Einnig eru þróaðir framleiðsluferlar í matvælalíftækni og orkulíftækni.

Helstu áherslur eru:

• Einangrun, framleiðsla, umbreyting og þróun lífvirkra efna og matvæla.
• Mælingar á ýmsum eiginleikum matvæla (t.d. blóðþrýstingslækkandi, andoxandi, krabbameinsvarnandi, ónæmisstýrandi, seðjandi eiginleikum) með mismunandi rannsóknaraðferðum.
• Þróun aðferða til að nýta vannýttar afurðir og rannsaka eiginleika þeirra.
• Leit og skilgreining ensíma með aðferðafræði líftækni, ensímfræða og erfðatækni.
• Mælingar á oxun/þránun í sjávarfangi og leiðir til að auka stöðugleika matvæla gagnvart oxun/þránun með markvissum leiðum.
• Mælingar á eiginleikum olíu/fitu í matvælum.

Helstu verkefni eru:

• Einangrun og vinnsla lífvirkra peptíða.
• Gæðaprótein úr fiski.
• Heilsuvörur úr fiski.
• Gull í greipar Ægis – andoxunarefni í sjávarfangi.
• Einangrun, hreinsun og rannsóknir á blóðþrýstinglækkandi peptíðum úr fiskpróteinum.
• Brjósksykrur og lífvirk efni úr sæbjúgum.
• Nýting ostamysu í heilsutengd matvæli.
• Lífvirk bragðefni unnin úr íslensku sjávarfangi.
• Náttúruleg ensím og andoxunarefni úr aukaafurðum.
• Lífefnarannsóknir á Sauðárkróki.

Prótein til matvælavinnslu
Markmiðið er að afla þekkingar á eðliseiginleikum vöðvapróteina úr fiski til að geta stýrt eiginleikum þeirra í ýmsum afurðum. Til dæmis má nefna geleiginleika, áferð og vökvaheldni. Hannað hefur verið vinnsluferli fyrir vöðvaprótein sem falla til í bolfiskvinnslu, afskurð og fisk af beingörðum, og koma þeim í verðmætar afurðir.

Helstu áherslur:

• Viðhalda eðliseiginleikum svo hægt sé að nota próteinin beint tilbaka inn í framleiðsluvörur.
• Þeir eðliseiginleikar sem horft var til voru geleiginleikar og stýring þeirra en þeir eru mjög mikilvægir þegar nýta á próteinin með beinum hætti við að auka gæði framleiðsluvara, svo sem að halda fiskflökum stinnum og safaríkum og gefa tilbúnum afurðum rétta áferðareiginleika.
• Fullbúin framleiðslulína sem framleiðir vöðvaprótein með réttum eðliseiginleikum svo hægt sé útbúa lausn þeirra sem, við innsprautun í fiskflök.

Helstu verkefni eru:

• Notkun prótein isolats við vinnslu og verkun á fiskafurðum.
• Gæðaprótein til innsprautunar.
• Eðliseiginleikar fiskvöðvapróteina.