Markmið er að bæta öryggi, gæði og heilnæmi matvæla með þróunarvinnu og þjónusturannsóknum.

Lögð er áhersla á efnamælingar sem tengjast:

• Samsetningu hráefnis og afurða í matvælavinnslu og fóðurgerð og þeim breytingum á gæðum þeirra og öryggi sem verða við vinnslu og geymslu t.d. næringargildi, geymsluþol og stöðugleiki.
• Vöktun á varnarefnum í grænmeti og ávöxtum.
• Þjónusta við ýmsa innlenda matvæla- og fóðurframleiðendur vegna mælinga og upplýsingamiðlunar um næringargildi, gæði og óæskileg efni (t.d. þungmálmar, PCB efni, varnarefni).
• Rannsóknir á þrávirkum lífrænum efnum í matvælum og fóðri.

Starfsmenn deildarinnar hafa mikla sérþekkingu og reynslu á sviði efnarannsókna. Sérfræðiþekking deildarinnar nær m.a. yfir mælingar á ólífrænum snefilefnum (þungmálmum s.s. selen, ofl), lífrænum snefilefnum (varnarefnum, PCB-efnum, díoxín, ofl) auk almennari efnamælingar (prótein, fita, vatn, salt, aska, TVN & TMA, Rotamín, þránunarmælingar, fitusýrugreiningar ofl).

Aðrir starfsmenn:

• Alicja Obuchowska
• Helgi Sigurjónsson
• Ingibjörg R. Þorvaldsdóttir
• Svanhildur Hauksdóttir