Markmiðið er að efla þróun, nýsköpun og markaðssetningu íslenskra matvæla og bjóða upp á sérfræðiþekkingu og aðstöðu til að styrkja atvinnulíf með aukinni samframleiðslu matvæla.

Verkefnin eru á sviði matferðamennsku og sértækrar markaðssetningar á smáframleiðslu matvæla fyrir ferðamenn. Unnið er með sérstöðu íslenskra matvæla og stefnt að aukinni nýsköpun og virðisaukandi fullvinnslu á innlendu hráefni.

Byggð hefur verið upp þekking á smáframleiðsluferlum og hugmyndafræði tengdri matferðamennsku og áhersla lögð á tengingu við ferðaþjónustuaðila á landsbyggðinni.

Matarsmiðja Matís á Hornafirði var formlega opnuð árið 2008. Þar er aðstaða er fyrir fyrirtæki og frumkvöðla til að þróa nýjar afurðir og virðisaukandi framleiðslu úr sínu hráefni.