Öryggis- og umhverfissvið Matís vinnur að fjölbreyttum innlendum og alþjóðlegum rannsókna- og þróunarverkefnum tengdum matvælum og umhverfi þar sem lögð er áhersla á öryggi og heilnæmi matvæla. Verkefnin eru unnin í samvinnu við innlenda og erlenda matvælaframleiðendur, stofnanir, háskóla og þá sem koma að þjónustu við matvælaiðnaðinn. Verkefnin felast m.a. í þvi að afla gagna um óæskileg efni, næringarefni og örverur í matvælumfóðri og rannsaka örverur í umhverfinu.
Markmiðin eru að:
- Efla og vera í forystu um að tryggja matvælaöryggi á Íslandi og efla samkeppnishæfni í alþjóðlegu samhengi
-
Vera opinber greiningarstofnun (National Reference Laboratory = NRL) fyrir ákveðnar mæliaðferðir á óæskilegum efnum og örverum í matvælum og umhverfinu
-
Efla áhættumat á helstu hættum af völdum skaðlegra efna og örvera í matvælum og umhverfinu
-
Efla örveru-og efnarannsóknir í umhverfi
Faghópar á öryggissviði eru:
Verkefni á sviði efnarannsókna felast m.a. í rannsóknum og öflun ganga um óæskileg efni sem og næringarefni í matvælum, fóðri og umhverfi. Sívirk gagnaöflun (vöktun) er nauðsynleg til að sýna fram á öryggi íslenskra matvæla, vernda ímynd og tryggja útflutningstekjur íslenskra afurða. Gögnin nýtast ennfremur við áhættumat og í markaðskynningum á íslenskum matvælum. Einnig er unnið að aðferðaþróun og prófun aðferða fyrir mælingar á óæskilegum snefilefnum sem finnast í matvælum og fóðri.
Verkefni á sviði örverurannsókna felast m.a. í rannsóknum og öflun gagna um örverur í matvælum og í umhverfi. Rannsóknir og vöktun óæskilegra örvera í matvælum og umhverfi eykur öryggi neytanda og verndar ímynd íslenskra afurða. Við örverugreiningar eru þróaðar og notaðar bestu greiningartækni sem völ á. Niðurstöður gagna eru m.a. notaðar við áhættumat.
Markmið áhættumats er að taka þátt í þróunar og mótunarvinnu sem nú fer fram í Evrópu á áhættumati. Má þar nefna þátttöku í verkefninum Qualibra (heilsuvogin) þar sem unnið er að gerð vefumhverfis sem safnar gögnum um áhættu og ávinning á neyslu matvæla. Ennfremur má nefna þróun gagnagrunna um íslensk matvæli fyrir neytendur og fyrirtæki og notuð verða víða á Íslandi.
Helstu áherslur:
- Öflun gagna til að sýna fram á stöðu íslenskra afurða m.t.t. öryggi og heilnæmis.
- Rannsóknir á áhrifum vinnslu og umhverfis á örverur í matvælum sem og snefilefnainnihald og næringargildi matvæla
- Áhættumat
- Þróun og prófun rannsóknaaðferða
- Rannsóknir á áhrifum æskilegra og óæskilegra efna á matvæli og fóður
- Örveru- og efnarannsóknir á matvælum, fóðri og umhverfissýnum
- Samstarf við stjórnvöld, innlendar og erlendar menntastofnanir og rannsóknastofur
Helstu verkefni:
- Veita stjórnvöldum , fyrirtækjum og einstaklingum áreiðanlegar upplýsingar og ráðgjöf um umhverfi sjávar & lífríkis sem og um efna- og örveruinnihald matvæla m.t.t.öryggi og heilnæmis
- Byggja upp og stunda rannsóknir á sviði efna- og örverugreininga
- Vöktun á óæskilegum efnum í matvælum, fóðri og umhverfi
- Vöktun örvera í matvælum og umhverfi
- Rannsóknir á sýkjandi örverum í matvælum og umhverfi
- Áhættumat og áhættumatsrannsóknir
- Gagnagrunnar um óæskileg efni og næringarinnihald matvæla
- Gagnagrunnar um örverur í matvælum og umhverfi
- Örveruhótel, örugg geymslu örvera til rannsókna
Sviðsstjóri:
Anna Kristín Daníelsdóttir
Fagstjórar:
Helga Gunnlaugsdóttir - Efnarannsóknir og áhættumat
Viggó Þór Marteinssson - Örverurannsóknir og áhættumat