Markmiðið er að stuðla að auknu verðmæti afurða með því að bæta gæði og stöðugleika hráefnis og afurða. Það er gert með því að finna leiðir til að bæta meðhöndlun hráefnis og finna bestu geymslu- og flutningaleiðir fyrir hráefni og afurðir.

Skoðað er hvaða áhrif einstakir þættir við vinnslu og verkun hafa á nýtingu, eiginleika, gæði og geymsluþol afurða, s.s.:  

• Grunnvinnsla hráefnis (hausun, flökun/hlutun).
• Verkun (söltun).
• Notkun íblöndunarefna.
• Vinnslubúnaður og nýjar vinnsluleiðir.
• Nýting aukahráefnis og vannýttra tegunda

Meginafrakstur verkefnanna hefur verið þróun á ferlum og tækni til að auka sjálfvirkni, afköst og nýtingu við framleiðslu matvæla. Einnig er lögð áhersla á verðmætasköpun úr vannýttu aukahráefni og fiskistofnum með aðlögun á þekktri tækni að nýjum notkunarmöguleikum og kortlagningu á eiginleikum hráefnis.

Sem dæmi má nefna meðhöndlun á marningi við blöndun í pækil til innsprautunar í ferskar og frystar afurðir, mat á flokkunar- og vinnslueiginleikum makríls sem nýlega er farið að veiða hér við land og nýtingu hraðvirkra aðferða við framleiðslustýringu en þær aðferðir gefa t.d. nær samstundis niðurstöður mælinga.

Fagstjóri:
Kristín Anna Þórarinsdóttir

Aðrir starfsmenn: