Fréttasafn: júní 2006

Fyrirsagnalisti

Fuglar á spegilsléttum sjó

Árlegt vöktunarverkefni: Gott ástand lífríkis í hafinu við Ísland - 28.6.2006

Niðurstöður nýrrar skýrslu úr árlegu vöktunarverkefni, þar sem fylgst er með mengun og ástandi lífríkis sjávar umhverfis Ísland, sýna litlar breytingar frá fyrri árum, t.d. eru lítil merki um að styrkur þungmálma og þrávirkra lífrænna efna færist í vöxt í hafinu umhverfis landið. Þetta má m.a. lesa má úr skýrslunni Monitoring of the Marine Biospheare around Iceland in 2004-2005 sem kom út á Rf í dag.

Björn Þrándur og Sjöfn

Þekktur vísindamaður gengur til liðs við Rf - 23.6.2006

Eins og greint var frá í frétt á vef Rf nýlega í tengslum við fiskeldisráðstefnu á Ísafirði, þá hefur Dr. Björn Þrándur Björnsson, prófessor við háskólann í Gautaborg, verið ráðinn í hlutastarf á Rf. Björn Þrándur er einn helsti sérfræðingur í Evrópu á sviði fiskalífeðlisfræði og og mun hann taka þátt í stefnumótun Rf á þessu sviði.

Sigrún Guðmundsdóttir

Doktorsmenntuðu starfsfólki á Rf fjölgar - 22.6.2006

Í síðustu viku fjölgaði í hópi þeirra starfsmanna Rf sem lokið hafa doktorsprófi, en þá varði Sigrún Guðmundsdóttir, líffræðingur á Rf, doktorsritgerð sína Listeria monocytogenes, from humans, food and food processing plants in Iceland - Molecular typing, adhesion and virulence testing.”

Mynd 21. júní 2006

Rf stofnar fyrirtæki á sviði erfðagreininga og ensímtækni - 21.6.2006

Í morgun sendu Rf og Arkea hf, sem er móðurfélag líftæknifyrirtækisins Prokaria, út sameiginlega fréttatilkynningu þar sem fram kemur að þau hafi undirritað samning um að sérstakt fyrirtæki í eigu Rf muni taka yfir erfðagreininga- og ensímsvið Prokaria.

Eldisþorskur

Þorskeldisrannsóknir komnar á fulla ferð - 16.6.2006

Á Ísafirði er mikill uppgangur í rannsóknum tengdum þorskeldi og hefur verið ákveðið að halda fund um ný og umfangsmikil verkefni sem hlotið hafa styrki að undanförnu. Einar K. Guðfinnsson sjávarútvegsráðherra mun setja fundinn en hann hefst miðvikudaginn 21. júní nk. kl. 9:30
Hildigunnur Rut Jónsdóttir

Meistaraverkefni um bætta afkomu í lúðueldi lokið - 9.6.2006

Föstudaginn 9.júní 2006 varði Hildigunnur Rut Jónsdóttir rannsóknarverkefni sitt til meistaraprófs í fiskeldisfræðum frá auðlindadeild Háskólans á Akureyri. Verkefni Rutar bar heitið "Notkun bætibaktería til stýringar örveruflóru fyrir og eftir klak lúðulirfa"

Guðrún Ólafsdóttir í Bonn

Stýring á kælikeðjunni til umræðu í Bonn - 2.6.2006

Tveggja daga ráðstefna um stýringu á kælikeðju matvæla var nýlega haldin í Bonn í Þýskalandi og var dr. Guðrúnu Ólafsdóttur, matvælafræðingur á Rf á meðal fyrirlesara. Nýjungar um merkingar og mælingar fyrir viðkvæm matvæli sem segja til um hitastig og tímaálag vöru voru meðal annars kynntar.

Eva Yngvadóttir

Nýtt Evrópuverkefni á Rf: QALIBRA-Heilsuvogin - 2.6.2006

Nýlega var haldinn í Hollandi fyrsti fundur í nýju ESB-verkefni sem heitir á ensku “Quality of Life – Integarted Benefit and Risk Analysis. Web-based tool for assessing food safety and health benefits” skammstafað QALIBRA en hefur fengið nafnið Heilsuvogin á íslensku.


Fréttir