Fréttasafn: maí 2008

Fyrirsagnalisti

Vordís Baldursdóttir í rannsóknaraðstöðu Matís í Borgum

Akureyri: B.Sc. verkefni við HA flýtir fyrir mælingum á PCB efnum í fiski hjá Matís - 29.5.2008

Fyrir skömmu varði Vordís Baldursdóttir lokaverkefni sitt til B.Sc. gráðu við Háskólann á Akureyri „Þróun aðferðar til mælinga PCB efna í fiski með ASE útdrætti“. Verkefnið vann hún undir leiðsögn Ástu M. Ásmundsdóttur sérfræðings hjá Matís.

Karl Róbertsson og próteinmælingatækið

Matís í Neskaupstað tekur í notkun próteingreiningartæki - 28.5.2008

Nýlega tók Matís í Neskaupstað í notkun fullkomið tæki til mælinga- og greiningar á fiskpróteinum. Tækið, sem er frá fyrirtækinu Elementar í Þýskalandi, er af gerðinni Fast N/Protein Analyzer rapid N cube.

Fæðubótarefni úr sojabaunum

Ný skýrsla um vinnslu fiskpróteina í fæðubótarefni - 27.5.2008

Eitt helsta sóknarfæri íslensks sjávarútvegs felst í að auka verðmæti úr því hráefni sem kemur úr sjó. Með því að vinna fæðubótarefni úr fiski er hægt að auka verðmæti hráefnisins verulega, ekki síst úr vannýttum tegundum sem núna eru alla jafnan ekki nýttar til manneldis eða aukaafurðum og tilfallandi hráefni við hefðbundna vinnslu á matvælum. Þetta kemur fram í nýrri skýrslu Matís.

Matís í Neskaupsstað

Opinn fundur Matís í Neskaupstað mán. 26. - 23.5.2008

Mánudaginn 26. maí heldur Matís opinn kynningarfund í Verkmenntaskóla Austurlands í Neskaupstað undir yfirskriftinni Sóknarfæri í sjávarútvegi og matvælaiðnaði á Austurlandi.
Við Viktoríuvatn í maí 2007

Matís heldur námskeið í Kenía - 22.5.2008

Tveir starfsmenn Matís eru á förum til Kenía til að halda þar námskeið fyrir fiskeftirlitsmenn. Námskeiðið er haldið á vegum Sjávarútvegsskóla Háskóla Sameinuðu þjóðanna og er hugsað sem framhaldsnám fyrir starfandi fiskeftirlitsmenn þar í landi.

Fundur í CHILL ON verkefninu í Reykjavík í maí 2008

CHILL ON fundur í Reykjavík - 21.5.2008

Dagana 13. og 14. maí sl. var í Reykjavík haldinn vinnufundur í Evrópuverkefninu CHILL ON. Um var að ræða fyrsta fund verkþáttar 5 (“Integration and validation – field trials”). Sex starfsmenn frá Matís sátu fundinn enda kemur Matís til með að gegna veigamiklu hlutverki í verkþættinum, sem snýst í stuttu máli um prófun og aðlögun á tækninýjungum og lausnum sem þróaðar eru í verkefninu.

Lógó SFR um Fyrirmyndarstofnanir 2008

Matís í 12. sæti yfir fyrirmyndarstofnanir í könnun SFR - 20.5.2008

SFR - stéttarfélag í almannaþjónustu stóð nýlega í þriðja sinn að vali á stofnun ársins. Könnunin átti sér stað meðal félagsmanna SFR á starfsskilyrðum þeirra og líðan á vinnustað. Ennfremur var öllum stofnunum ríkisins gefinn kostur á því að allir starfsmenn, óháð því í hvað stéttarfélögum þeir eru, gætu tekið þátt.

Lífrænt grænmeti

Málþing um lífrænan landbúnað í Norræna húsinu föstudaginn 16. maí. - 15.5.2008

Á fundinum verður m.a. fjallað um hvort lífrænn landbúnaður sé valkostur á Íslandi. Fundurinn hefst kl. 12:45 og stendur til kl. 17:00.

Vinnuhópur í MmmmSeafood á fundi 6. maí 2008

Fundur á Matís í Mmmmmseafood - verkefninu - 6.5.2008

MmmmmSeafood er heiti á verkefni sem Norræna nýsköpunarmiðstöðin (Nordisk InnovationsCenter) styrkir. Líklega má þýða heiti verkefnisins sem “Nammifiskur” á íslensku, en tilgangur þess er einmitt að auka áhuga ungs fólks á fiski og sjávarafurðum.

Kælibót: Ufsi í krapaís

Kælibót - Samanburður ísmiðla – kælihraði og kæligeta - 5.5.2008

Eitt af þeim verkefnum sem unnið er að á Vinnslu- og vöruþróunarsviði Matís kallast Kælibót. Markmið þess er að stuðla að innleiðingu bestu þekkingar og verklags fyrir kælingu og ferlastýringar fyrir fiskafurðir til að tryggja gæðaeiginleika, rekjanleika og öryggi hráefnis og afurða, og stuðla að hagnýtingu þessara upplýsinga fyrir íslenska framleiðendur á mörkuðum sínum.


Fréttir