Á Akureyri stundar Matís rannsóknir, þróun og nýsköpun í samstarfi við Háskólann á Akureyri og aðrar stofnanir og fyrirtæki á Norðurlandi jafnt sem annars staðar á landinu. Starfsemi Matís er til húsa í Rannsóknahúsinu að Borgum og hefur þar verið byggð upp aðstaða til vöktunar á óæskilegum efnum svo sem varnarefnum og PCB efnum í íslenskum matvælum. Einnig fara þar fram rannsóknir á sviði örverufræði, efnarannsókna, ónæmisvefjafræði, sameindafræði og myndgreiningar matvæla.

Við uppbyggingu Matís á Akureyri hefur áhersla verið lögð á aðkomu nemenda í rannsóknatengdu meistaranámi í víðtæku samstarfi við fjölda innlendra jafnt sem erlendra háskóla, rannsóknastofnana og fyrirtækja.

Á starfsstöð Matís á Akureyri starfa 3 sérfræðingar auk rannsóknamanns og nemenda í rannsóknatengdu framhaldsnámi við verkefni sem unnin eru á vegum Matís.

Stöðvarstjóri Matís á Akureyri er Rannveig Björnsdóttir, fagstjóri hjá Matís og dósent við Háskólann á Akureyri.

Matís ohf - Akureyri:
Borgum við Norðurslóð
600 Akureyri
Fax: 462 5216

Starfsmenn:

• Rannveig Björnsdóttir rannveig.bjornsdottir()matis.is, s: 422 5108 / 858 5108
  
• María Pétursdóttir  maria.petursdottir()matis.is, s: 422 5092
  
• Jónína Jóhannsdóttir  jonina.johannsdottir()matis.is, s: 422 5075
  
•  Vordís Baldursdóttir  vordis.baldursdottir()matis.is: 422 5018