Faggilding

Allt frá árinu 1994 hafa reglugerðir Evrópusambandsins (93/99/EEC) sagt til um að allar mælingar skuli framkvæmdar af faggildum aðila. Ákvæði þetta var tekið upp í íslenskri reglugerð nr. 351 frá 1993, þar sem kveðið er á um að rannsóknastofur sem sinna rannsóknum í tengslum við opinbert eftirlit, skuli faggilda prófunaraðferðir sínar.

Matís hefur í dag faggildingu á 28 örveruaðferðum, 8 efnaaðferðum og auk þess faggildingu á 29 varnarefnum, en það er Einkaleyfastofa í samvinnu við Swedac, sænsku faggildingastofnunina sem sér um úttekt og veitir faggildinguna. Þær rannsóknastofur sem unnið höfðu að matvælarannsóknum og sameinuðust í hlutafélaginu Matís höfðu báðar faggildingu; Rannsóknastofnun fiskiðnaðarins frá 1997 og Rannsóknastofa Umhverfisstofnunar frá 1998.

Faggildingin er unnin út frá kröfum í ISO 17025 staðlinum um hæfni og starfsemi prófunarstofa.

Frá New York State Department of Health hefur Matís faggildingu fyrir 2 örveruaðferðir notaðar fyrir mælingar á vatni en þar er farið eftir kröfum NELAC staðalsins sem eru unnar upp úr ISO 17025 staðlinum

Auk þess eru mælingar Matís á mjöli viðurkenndar hjá samtökum fóðurframleiðenda í Bretlandi (GAFTA).

Þegar sótt er um faggildingu er umsóknaraðili tekinn til nákvæmrar skoðunar og verður að uppfylla ýmsar kröfur er varða tæki, húsnæði, hæfni starfsfólks og síðast en ekki síst, þá þarf að vera til staðar öflugt innra eftirlit í formi gæðakerfis. Þannig er tryggt að mælingar eru ávallt framkvæmdar af hæfum aðilum þar sem fagmennska er höfð í fyrirrúmi.

Upplýsingar um heimildir aðferða er að finna á heimasíðunni, en þessar upplýsingar eru einnig sendar út til viðskiptavina einu sinni á ári.

Yfirlit yfir faggildar mælingar

Þær aðferðir sem notaðar eru hjá Matís hafa allar sín auðkenni og eru notuð ÖMA/ÖVA/ÖS/ÖL-númer fyrir faggildar örverumælingar, AE-númer fyrir faggildar efnamælingar og VE númer fyrir fagildar varnarefnamælingar.

Hjá Matís eru faglegir ábyrgðamenn aðferða, en þeir sjá m.a. um val á aðferðum og að viðhalda aðferðabókum með upplýsingastreymi til stofa.

Faglegur ábyrgðamaður efnamælinga: Heiða Pálmadóttir
Faglegur ábyrgðamaður örverumælinga. Margrét Geirsdóttir, gæðastjóri

ENGLISH:

To ensure the quality of our work, the services of Matís are accredited according to the standard ISO-17025: General criteria for the operation of testing laboratories. The accreditation currently includes the quality system. Matís has had accreditation from January 1st, 2007. The accreditation was administered by Löggildingarstofan (The Governmental Agency for Accreditation, Conformity Assessment and Meterology in Iceland), and SWEDAC (The Swedish Board for Accreditation and Conformity Assessment).

The test methods are as follows:

Listi yfir örverumælingar / List of microbiological methods Listi yfir efnamælingar / List of chemical methods
 Sjá hér / See here  Sjá hér / See here