Á Egilsstöðum hefur Matís starfstöð en hún gengur undir nafninu Matvælamiðstöð Austurlands. Matvælamiðstöð Austurlands var sett á laggirnar haustið 2009 en hún er samstarfsverkefni Matís, Þróunarfélags Austurlands, Fljótsdalshéraðs, Búnaðarfélags Austurlands og Auðhumlu. Starfstöðin er salur í Mjólkurstöðinni en MS er með framleiðslu annarsstaðar í húsinu. Einn sérfræðingur er þar í fullu starfi. Áherslur starfseminnar felst í uppbyggingu á smáframleiðslu matvæla á svæðinu.
Í Matvælamiðstöðinni býðst frumkvöðlum og litlum fyrirtækjum tækifæri til að stunda vöruþróun og hefja smáframleiðslu á matvælum gegn vægu leigugjaldi. Þannig spara þeir sér fjárfestingu í dýrum tækjabúnaði strax í upphafi rekstrar. Með þessu gefst einstakt tækifæri til að prófa sig áfram bæði við framleiðsluna og á markaði. Sérstök áhersla er á uppbyggingu í tengslum við staðbundin matvæli og matarferðaþjónustu.
Aðstaðan er hugsuð til notkunar á landsvísu. Forsenda þess að komast í aðstöðuna er að kaupa ráðgjöf um góða framleiðsluhætti í upphafi. Þannig munu notendur læra rétt vinnubrögð frá upphafi. Með aðstöðunni í Matvælamiðstöð Austurlands gefst einstakt tækifæri tilnýsköpunar í smáframleiðslu matvæla.
Stöðvarstjóri Matís á Egilsstöðum er Þórarinn Egill Sveinsson.
Matís á Egilsstöðum / Matvælamiðstöð Austurlands
Kaupvangi 39
700 Egilsstaðir
Sími 858 5060
Netfang mma@matis.is
