Fréttir

Í dag verður 1. tbl. af rafrænu fréttabréfi Rf sent út, en þar verður m.a. að finna ýmiss konar fréttaefni af vef Rf, tilkynningar o.s.frv. og er áformað að fréttabréfið komi út 1-2 í mánuði. Þeir sem áhuga hafa á að gerast áskrifendur eru vinsamlega beðnir um að skrá sig á póstlista Rf, en það er hægt að gera á forsíðu vefs Rf.

Í síðasta mánuði var sagt frá skýrslunni Framtíðarþorskur: geymsluþol, áferð, vöðvabygging og vinnsla eldisþorsks sem nýlega kom út hér á Rf. Niðurstöður skýrslunnar hafa vakið talsverða eftirtekt langt út fyrir landsteinana. Lesa meira

Á árunum 1972 til 1986 gaf Rf út s.k. Tæknitíðindi og var það ein helsta leið stofnunarinnar á þessum árum til að birta og miðla upplýsingum um rannsóknir sínar. Alls komu 165 tbl. út og er þetta efni nú loksins allt aðgengilegt í tölvutæku formi (pdf) hér á vef Rf.

Lesa meira

Símenntun er af hinu góða og í gær sótti 14 manna hópur sérfræðinga frá Icelandic Group námskeið á Rf til að rifja upp ýmis almenn atriði varðandi gæðamat, meðferð og geymslu á fiski. Fólkið kom frá hinum ýmsu deildum Icelandic samstæðunnar.

Lesa meira

Í morgun opnaði Einar K. Guðfinnsson, sjávarútvegsráðherra, nýja vefsíðu á Rf þar sem safnað hefur verið saman upplýsingum um efnainnihald sjávarafurða á Norðurlöndum, bæði óæskileg efni og einnig næringarefni.

Lesa meira

Rf tekur þátt í fjölþjóðlegu verkefni sem nefnist Welfare of Fish in European Aquaculture og fjallar um velferð fiska í eldi. Verkefnið er s.k. COST-verkefni, sem er stytting úr European Cooperation in the field of Scientific and Technical Research og er almennur rammi um Evrópusamstarf á sviði vísinda- og tæknirannsókna.

Lesa meira

Nýlega kom út á Rf verkefnisskýrslan Framtíðarþorskur: geymsluþol, áferð, vöðvabygging og vinnsla eldisþorsks og er hún framhald skýrslunnar Framtíðarþorskur: gæðamat á eldisþorski, sem kom út haustið 2004. Í nýju skýrslunni birtast m.a. niðurstöður rannsókna á geymslueiginleikum og geymsluþoli flaka af aleldisþorski í samanburði við flök af villtum þorski. Á meðal þess sem í ljós kom var að lítill munur var á endanlegu geymsluþoli eldisþorsks og villts þorsks en flök af eldisþorski héldu þó ferskleikabragðinu marktækt lengur inn í geymslutímann.

Lesa meira

Nýlega komu út á Rf tvær skýrslur með niðurstöðum rannsóknarverkefnis þar sem kannað var hvort nota mætti s.k. Radio-Frequency Heating Technology til að hita matvæli í því skyni að eyða öllum hættulegum örverum og auka þar með geymsluþolið.

Lesa meira

Fyrir rúmu ári var rannsóknastofa Rf á Ísafirði formlega opnuð og við það tækifæri sagði Sjöfn Sigurgísladóttir forstjóri Rf m.a. að í starfi rannsóknarstofunnar á Ísafirði yrði einkum lögð áhersla á rannsóknir og þróun á sviði fiskeldis. Fljótlega var svo sagt frá því að Rf væri komið í samstarf við fyrirtæki á Vestfjörðum og erlenda vísindamenn um rannsóknir á þorskeldi í sjókvíum. Að því er fram kemur á vef Bæjarins besta í dag fer nú að draga til tíðinda í þessu samstarfi.

Lesa meira

Í nýjasta tbl. sænska tímaritsins Livsmedel i Fokus, sem er fagtímarit sem fjallar um flest það sem viðkemur matvælaiðnaði, er grein um efnahagsuppganginn á Íslandi, sem Svíar velta nú nokkuð vöngum yfir. Greininni fylgir einnig umfjöllun um Rf og viðtal er við þær Sjöfn Sigurgísladóttur, forstjóra, og Evu Yngvadóttur, efnaverkfræðing á Rf.

Lesa meira

Þessari spurningu varpaði Margrét Geirsdóttir, matvælafræðingur, fram á Haustfundi Rf nýlega og svaraði henni sjálf, JÁ!. Talið er að í sæbjúgum sé að finna eftirsótt og dýrmæt lífvirk efni, sem hægt er að nota í fæðubótarefni og markfæði. Nýlega kom út skýrsla á Rf sem fjallar um rannsóknir á nýtingu lífvirkra efna úr sæbjúgum.

Lesa meira

Fyrir nokkrum dögum kom Rannísblaðið út og var því dreift með Morgunblaðinu líkt og gert hefur verið s.l. tvö ár. Í blaðinu er fjallað um rannsókna- og vísindastarf á Íslandi, starfsemi rannsókna- og menntastofnanna kynnt o. fl.  Fjallað er um tvö verkefni sem unnið er að á Rf í Rannísblaðinu að þessu sinni.

Lesa meira

Vegna baráttufundar kvenna mun skiptiborð og afgreiðsla Rf loka kl. 14:08 í dag, mánudag - Viðskiptavinum er bent á að bein símanúmer starfsfólks stofnunarinnar er að finna hér á síðunni til hægri (Starfsfólk).    

Árlegri úttekt SWEDAC (sænsku löggildingarstofnunarinnar) á gæðakerfi þjónustusviðs Rf er lokið. Útibú Rf á Neskaupstað var heimsótt s.l. föstudag en efna-og örverustofa í Reykjavík var tekin út í gær. Lesa meira

Kabil Sibal, vísindaráðherra Indlands, heimsótti Sjávarútvegshúsið í morgun ásamt fríðu föruneyti og skoðaði m.a. húsakynni Rf í fylgd Sjafnar Sigurgísladóttur, forstjóra Rf. Ráðherrann er hér á landi í boði Þorgerðar Katrínar Gunnarsdóttur, menntamálaráðherra.

Lesa meira

Fyrr á þessu ári fór fram viðamikil alþjóðleg neytendakönnun á fiskneyslu á Íslandi, í Danmörku, Hollandi og á Írlandi. Rf sá um framkvæmd könnunarinnar hér á landi og er nú verið að vinna úr þeim gögnum sem söfnuðust. Í nýlegri frétt á heimasíðu SEAFOODplus - verkefnisins er greint frá fyrstu niðurstöðum. Lesa meira

Að undanförnu hefur Margrét Bragadóttir matvælafræðingur hjá Rannsóknastofnun fiskiðnaðarins unnið að því að kanna mögulega notkun á loðnulýsi til manneldis. Verkefnið var fjármagnað af AVS og Rf. Margrét kynnti niðurstöður sínar nýverið á ráðstefnu WEFTA ( West European Fish Technologists Assosiation) í Antwerpen í Belgíu. Lesa meira

Fimmtudaginn 6. okt. n.k. heldur Sveinn Margeirsson fyrirlestur sem er hluti af doktorsverkefni hans sem unnið er við véla- og iðnaðarverkfræðiskor verkfræðideildar Háskóla Íslands, en það er unnið í samvinnu við Rannsóknastofnun fiskiðnaðarins, þar sem hann hefur starfsaðstöðu. Fyrirlesturinn hefst kl. 16:45 í stofu 157 í VR-II við HjarðarhagaVerkfræðideildar Háskóla Íslands, Hjarðarhaga

Lesa meira

Frá byrjun október verður afgreiðsla Rf opin frá kl. 8:15 - 16:00

Nýlega lauk þriggja mánaða forkönnun á “Notkun lífvirkra efna í lúðueldi”. Verkefnið var styrkt af Rf, HA, Fiskey ehf., Primex og Nýsköpunarsjóði námsmanna og unnið í sumarvinnu af Rut Hermannsdóttur, nemanda við Auðlindadeild Háskólans á Akureyri.

Lesa meira

Nýr ráðherra, Einar Kristinn Guðfinnsson, tók til starfa í sjávarútvegsráðuneytinu í dag. Á meðal þess sem ráðherrann tók sér fyrir hendur á þessum fyrsta formlega vinnudegi sínum í nýju embætti var að heimsækja Rf Lesa meira

Um 100 manns sóttu Haustfund Rf sem haldinn var á Grand hótel þann 23. sept. sl. Fundurinn var að nokkru leyti sögulegur þar sem hann var haldinn á 40 ára starfsafmæli Rf og ávarp Árna M. Mathiesen í byrjun fundarins var jafnframt eitt síðasta opinbera embættisverk hans sem sjávarútvegsráðherra. Lesa meira

Haustfundur Rf verður haldinn á Grand hótel Reykjavík föstudaginn 23. september og verður umföllunarefni fundarins einkum um heilnæmi fisks. Þetta er þriðja árið í röð sem Rf heldur slíkan fund og sem fyrr eru allir velkominr á meðan húsrúm leyfir, en fólki er þó vinsamlega beðið um að skrá sig fyrirfram. Lesa meira

Sjávarútvegssýningin í Kópavogi, sem sett var í gær fór rólega af stað en strax eftir hádegi opnunardaginn fór aðsóknin vaxandi og hefur verið góð síðan. Rf er með á sameiginlegum sýningarbás Sjávarútvegsráuneytisins, Hafrannsóknastofnunar og Fiskistofu. Lesa meira

Greinarnar tvær birtust í septemberhefti Journal of Food Science sem nýkomið er út grein. Er Rósa Jónsdóttir, matvælafræðingur á Rf fyrsti höfundur annarar greinarinnr, en einn af höfundum hinnar er Kínverjinn Zeng, en hann stundaði nám við Sjávarútvegsskóla Sameinuðu þjóðanna árin 2003 og 2004.
Lesa meira

Á föstudag fer fram doktorsvörn við raunvísindadeild Háskóla Íslands, en þá ver Guðrún Ólafsdóttir, matvælafræðingur á Rf, doktorsritgerð sína Volatile compounds as quality indicators in chilled fish: Evaluation of microbial metabolites by an electronic nose, Rokgjörn efni sem gæðavísar í kældum fiski: Mat á niðurbrotsefnum örvera með rafnefi.

Lesa meira

Sjávarútvegssýningin 2005 verður haldin í Smáranum í Kópavogi 7.-10. september n.k. en sýningin er haldin hér á landi þriðja hvert ár.  Rf mun taka þátt í sýningunni að þessu sinni og verður með á sameiginlegum sýningarbás Sjávarútvegsráðuneytisins, Hafrannsóknastofnunar og Fiskistofu. 

Lesa meira

Nýlega kom á Rf skýrsla þar sem birtar eru niðurstöður árlegs vöktunarverkefnis á vegum Umhverfisráðuneytisins fyrir árin 2003 og 2004. Markmið með þessari vöktun er að uppfylla skuldbindingar Íslands varðandi Oslóar- og Parísarsamninginn (OSPAR), auk AMAP (Artic Monitoring Assessment Program).

Lesa meira

Nýlega komu út tvær skýrslur sem fjalla um þá möguleika sem hugsanlega felast í því að vinna lífvirk efni úr íslenskum sjávarfangi. Miklar vonir eru bundnar við að stórauka megi verðmæti sjávarafla í framtíðinni með því að framleiða lífvirk efnasambönd í markfæði o.fl. Lesa meira

Rf hefur hafið samstarf við vísindamenn við háskólann í Stirling í Skotlandi auk vísindamanna á Havsforsknings Institutet í Bergen (IMR) í Noregi um rannsóknir á sviði þorskeldis í sjókvíum. Lesa meira

Vegna sumarleyfa verður skrifstofa Rf í Reykjavík lokuð frá 15. júlí til 2. ágúst. Sjá nánari upplýsingar um bein símanúmer. - Our office in Reykjavik will be closed from July 15. until Aug. 2. See information about direct phone numbers. Lesa meira

Dagana 14-15. okt. 2004 stóð Norræna ráðherranefndin fyrir ráðstefnunni Safe and wholesome food í Reykjavík. Nýlega kom út veglegt ráðstefnurit sem ber sama titil og ráðstefnan og þar kemur starfsfólk Rf við sögu, tveir starfsmenn Rf eru á meðal þeirra sem eiga efni í ráðstefnuritinu.

Lesa meira

Ársskýrsla Rf fyrir árið 2004 er komin út og verður til að byrja með eingöngu tiltæk á vefsíðu Rf á tölvutæku formi. Eitt af því sem fram kemur í inngangi dr. Sjafnar Sigurgísladóttur,forstjóra Rf, er að töluvert var dregið úr starfsemi Þjónustusviðs Rf á milli áranna 2003-04, en einkafyrirtæki tók að miklu leyti við þeim rekstri. Segir Sjöfn að jafnvel mætti tala hér um einkavæðingu sem ekki hafi farið hátt. Lesa meira

Rf er nú að taka í notkun nýjan frostþurrkara og fyrirhugað er að nýta tækið við ýmsar rannsóknir, m.a. við að kanna möguleika á frostþurrkun sjávarfangs og við frostþurrkun sýna af ýmsu tagi. Lesa meira

Rf óskar eftir að ráða í tvær stöður, annars vegar á Örverustofu Rf í Reykjavík og hins vegar í stöðu sérfræðings á sviði fiskeldis með aðsetur á Akureyri. Lesa meira

Nýr starfsmaður, Ásta Margrét Ásmundsdóttir, hóf störf á RF 1. júní síðastliðinn. Hún mun starfa við uppbyggingu nýs rannsóknarsviðs innan RF er snýr að þrávirkum efnum í sjávarfangi sem verður staðsett á Akureyri.

Lesa meira

Dagana 1.-4. júní var haldin ráðstefna á Nordica Hotel í Reykjavík á vegum Lipidforum, sem eru norræn samtök um fiturannsóknir. Tveir starfsmenn RF héldu erindi á ráðstefnunni; þær Margrét Bragadóttir og Rósa Jónsdóttir. Lesa meira

Dagana 25. og 26. maí 2005 var haldin ráðstefna um skynmat í Madríd á Spáni. Samtökin European Sensory Network sem Rf er aðili að, skipulagði ráðstefnuna í samvinnu við Food Technology Insitute, sem er spænsk matvælastofnun í eigu þarlendra matvælafyrirtækja.

Lesa meira

Árlegur fundur vinnuhóps um mælitækni á vegum WEFTA fundaði í Reykjavík dagana 26. og 27. maí. Að þessu sinni sóttu fundinn fulltrúar 5 landa; Þýskalands, Danmerkur, Bretlands og Belgíu auk Íslands. Lesa meira

Hópur nemenda í 9. bekk Hamraskóla heimsótti í morgun Rf og Hafró á leið sinni niður á höfn. Heimsóknin var hluti af þemadögum skólans. Lesa meira

Fimmtudaginn 26. maí mun Bjarki Magnússon, forstöðumaður þróunarsviðs Sæplasts hf. á Dalvík flytja erindi sem hann nefnir Geymslutækni uppsjávarfisks. Bjarki vann m.a. að meistarverkefni sínu um þetta efni við Háskóla Íslands og vann að því í samvinnu við Rf og nokkur fyrirtæki. Lesa meira

Nýlokið er vinnu í verkefninu Aðdráttarafl beitu, en markmið þess var að finna leiðir til að auka útstreymi niðurbrotsefna frá beitu sem notuð er til línuveiða, í þeim tilgangi að laða fisk enn frekar að beitunni. Niðurstöður þóttu lofa það góðu að ákveðið hefur verið að halda rannsóknum á þessu sviði áfram í nýju verkefni.  

Lesa meira

Í síðustu viku var haldinn verkefnafundur í Reykjavík í SEAFOODplus - verkefninu og lauk honum formlega föstudaginn 6. maí með opnum kynningarfundi á Grand Hótel í Reykjavík, sem um 45 manns sóttu. Lesa meira

Þann 1. maí hækkaði gjaldskrá Þjónustusviðs Rf um 3,25%.  Breytingin stafar fyrst og fremst af hækkun  kjarasamninga og einnig hefur neysluvísitala hækkað um 5% frá því gjaldskránni var breytt síðast, sem var í ársbyrjun 2004.

Laugardaginn 30.apríl var opið hús í fræðasetrinu Búlandi í Neskaupstað, en það hýsir starfsemi Verkmenntaskóla Austurlands, Rannsóknastofnunnar fiskiðnaðarins, Náttúrustofu Austurlands og Sorpsamlag Mið-Austurlands. Tilgangurinn var að kynna þá starfsemi fram fer í Búlandi.

Lesa meira

Föstudaginn 6. maí verður haldinn fundur á Grand hótel þar sem m.a. verða kynntar ýmsar rannsóknir um vinnslu próteina og petíða úr aukaafurðum og uppsjávarfiskum, lífvirkni o.fl. Á meðal fyrirlesara verða nokkrir erlendir vísindamenn.  

 

 

Lesa meira

Óvenju litríkur hópur heimsótti Rf í morgun, þegar 12 manna hópur frá 11 þjóðlöndum heimsótti stofnunina. Hópurinn var á vegum CEDEFOP, sem er Miðstöð um þróun starfsmenntunar í löndum ESB og er fólkið statt hér á landi til að kynna sér hvernig Íslendingar standa að starfsmennun, í þessu tilfelli, í matvælaiðnaði.

Lesa meira

Erindi Margrétar Bragadóttur, sem flytur miðvikudagserindi Rf 26. apríl, fjallar um rannsóknir sem gerðar hafa verið á Rf, þar sem bornar voru saman mismunandi aðferðir til þess að meta stöðugleika og þránun í fiskimjöli, með það að markmiði að finna einfalda aðferð sem hægt væri að nota við gæðaeftirlit á fiskimjöli.

Lesa meira

Guðrún Ólafsdóttir, matvælafræðingur á Rf, hlaut Wolfgang Göpel Memorial Award verðlaunin á ráðstefnu sem haldin var nýlega í Barcelona á Spáni. Lesa meira

Árið 2004 var ákveðið að setja á laggirnar vinnuhóp með þátttakendum frá öllum Norðurlöndunum, sem ætlað er að mynda samnorrænt upplýsinga- og tengslanet varðandi öryggi sjávarafurða og er verkefnið styrkt af Norrænu ráðherranefndinni. Fyrsti fundur hópsins var haldinn í Reykjavík í byrjun apríl og nú er komin út skýrsla með helstu niðurstöðum fundarins. Lesa meira

Á morgun mun Þorvaldur Þóroddsson, sjávarútvegsfræðingur og starfsmaður fiskeldishóps Rannsóknarsviðs Rf, flytja erindi um hugsanlega notkun ódýrra próteingjafa í fiskeldi. Lesa meira

SEAFOODplus er heiti á alþjóðlegu rannsóknarverkefni sem Rf tekur þátt í og leiðir raunar hluta þess. Verkefnið er styrkt af 6. rannsóknaráætlun ESB og að því koma 70 aðilar í 16 Evrópulöndum.  Meginmarkmið þess er að stuðla að aukinni neyslu sjávarfangs og stuðla þannig að bættri heilsu í álfunni.  Lesa meira

Miðvikudaginn 13. apríl flytur Eyjólfur Reynisson lífefnafræðingur á Rf erindi sem nefnist Sameindalíffræði til örverugreininga, en um er að ræða tiltölulega nýlega aðferðarfræði við greiningu á örverum, m.a. í hráefni og matvælum. Um er að ræða s.k. PCR-tækni til mögnunar á DNA. Lesa meira

Í fyrsta tbl. vísindaritsins Food Technology and Biotechnology (FTB) árið 2005 er að finna grein um rannsóknir á viðloðun örvera við yfirborð í vinnsluumhverfi sjávarafurða.  Höfundar greinarinnar eru tveir núverandi og einn fyrrverandi starfsmaður Rf.   Lesa meira

Ný heimasíða Opti-Pack Lesa meira

Rannsóknastofnun fiskiðnaðarins boðar til almenns fundar í Ásgarði, Vestmannaeyjum, þriðjudaginn 5. apríl nk. kl. 15.00-16.30, um leiðir til að auka virði sjávarfangs.

Lesa meira

Fyrirlesarar á fundinum verða sérfræðingar frá Rf í Reykjavík auk verkefnisstjóra Rf á Ísafirði og flytja þeir stutt framsöguerindi. Fyrirspurnir og umræður verða í fundarlok. Lesa meira

Fáir efast lengur um heilnæmi fisks, en hingað til hefur athyglin að mestu beinst að lýsi og jákvæðum áhrifum fjölómettaðra fitusýra, sem er að finna í lýsi og holdi margra feitra fisktegunda. Í Morgunblaðinu í dag birtist athyglisverð grein eftir Margréti Geirsdóttur, matvælafræðing á Rf, þar sem hún fjallar um rannsóknir á því hvort vinna megi lífvirk peptíð úr sjávarfangi, en segja má að lífvirk peptíð sé hin hliðin á heilnæmi fisks.   

Lesa meira

Taru Uusinoka heitir nýr rannsóknarmaður á Umhverfis- og gæðasviði Rf. Taru er Finni og kom hingað til lands fyrir tveimur árum til að vinna á Orkustofnun að lokaverkefni sínu í umhverfisstjórnun .  

Lesa meira

Í morgun hófst alþjóðleg neytendakönnun á fiskneyslu og fer hún fram í Danmörku, Hollandi og á Írlandi, auk Íslands. Rf sér um framkvæmd könnunarinnar hér á landi, en vonast er til að hún muni gefa góðar upplýsingar um hvernig best er að standa að bættum gæðum sjávarfangs fyrir neytendur.

Lesa meira

Á morgun, föstudaginn 4. mars, stendur Sjávarútvegsráðuneytið fyrir ráðstefnu á Nordica hótel sem ber yfirskriftina Fiskurinn og framtíðin. Ráðstefnan er haldin í tilefni þess að 100 ár eru síðan togaraútgerð hófst hér á landi. Lesa meira

Á morgun, laugardag, mun Hlynur Þór Björnsson útskrifast með meistarapróf í iðnaðarverkfræði frá Háskóla Íslands. Meistaraverkefni hans nefnist “Geymsla og flutningur. Lágmörkun hríms og rekjanleiki” og var það m.a. styrkt af Rf.

Lesa meira

Rf er aðili að viðamikilli, alþjóðlegri rannsókn á fiskneyslu, sem gerð verður samtímis í fjórum löndum á næstu vikum. Auk Íslands fer könnunin samtímis fram í Danmörku, Hollandi og á Írlandi. Rf óskar eftir fólki til að taka þátt í könnuninni hér á landi. 

Lesa meira

Hélène Lauzon mun flutja erindi um Helstu rannsóknir á notkun loftskiptra umbúða fyrir fiskafurðir og framtíðarmöguleikar varðandi pökkun matvæla.

Lesa meira

Miðvikudaginn 9. febrúar mun Tom Brenner flytja erindi þar sem hann mun kynna DLS og SLS tækni - á meðal þess sem hann mun spjalla um er kenning, hagnýting og notkun í Kolloidkemíu.  Tom Brenner er Ísraelsmaður sem hefur nýlega hafið meistaranám hér á Rf. Lesa meira

Talsverðar umbreytingar hafa verið á Rf á undanförnum vikum og hafa nokkrir nýir starfsmenn hafið störf og þá hafa nokkrir starfsmanna Rf einnig hafið doktorsnám jafnframt störfum sínum á stofnuninni. Er það m.a í samræmi við yfirlýsta stefnu Rf um að fjölga í röðum sínum starfsfólki með framhaldsmenntun.    Lesa meira

Á morgun, miðvikudaginn 9. febrúar, heldur Hlynur Björnsson erindi um Áhrif hitasveiflna í frystigeymslum og við flutning á lausfrystar vörur.  Hlynur stundar meistaranám í véla- og iðnaðarverkfræði við H.Í. og vinnur m.a. að meistaraverefni sínu á Rf.  Erindið verður haldið í fundarsal Sjávarútvegshússins, 1. hæð og hefst kl. 9:30 og er opið þeim sem áhuga hafa á og á meðan húsrúm leyfir. Lesa meira

Árni M. Mathiesen sjávarútvegsráðherra og Valgerður Sverrisdóttir iðnaðarráðherra undirrituðu á Ísafirði í gær samkomulag um að efla rannsóknar- og þróunarstarfsemi í sjávarútvegi. Rf er ætlað stórt hlutverk í þessu átaki. Lesa meira

Rannsóknarstofnun fiskiðnaðarins á Ísafirði (RF) hefur í samstarfi við Hraðfrystihúsið – Gunnvör (HG) fengið 5 milljóna króna framlag frá Byggðastofnun til uppbyggingar sjókvía-rannsóknarmiðstöðvar sem til stendur að koma á fót á Ísafirði á næstunni. Lesa meira