Fiskur í mynd

Markmið verkefnisins er að efla neyslu íslensks sjávarfangs, auka verðmæti og jákvæðari ímynd þess innanlands sem utan. Þetta verður gert með því að búa til matreiðslu-/fræðsluþætti fyrir sjónvarp og kynna með þeim óþrjótandi möguleika íslensks sjávarfangs sem hráefnis. Lögð verður áhersla á að kynna eldunaraðferðir, meðhöndlun, sérstöðu, gæði og möguleika staðbundins hráefnis hringinn í kringum landið á nýstárlegan og spennandi hátt. Rannsóknir sýna að matreiðsluþættir geta haft áhrif á neyslu fólks, auka neyslu á því hráefni sem um er fjallað og þar með skilað sér í auknum tekjum til söluaðila. Tækifæri eru því til að sporna við neikvæðri þróun á neyslu fisks sem og að bæta afkomu sjávarútvegsins. Viðskiptaleg markmið eru að selja þættina til sýninga bæði hérlendis sem erlendis.

Verkefnastjóri

• Gunnþórunn Einarsdóttir
  Sérfræðingur
  Sími: 422 5049

Rannsóknarsvið

• Nýsköpun og neytendur