Nýting á slógi frá fiskvinnslum

Meginmarkmið verkefnisins er að nýta á arðbæran hátt það slóg sem berst hér að landi í Þorlákshöfn með afla sem ekki er slægður úti á sjó. Stefnt er að stofnun sprotafyrirtækis sem leggur áherslu á nýtingu slógsins til áburðarframleiðslu. Væntanleg hliðarafurð framleiðsluferilsins er hrálýsi. Notkun slógs til áburðargjafar á sér langa sögu um allan heim. Hér á landi var algengt á fyrri hluta síðustu aldar að bera slóg á tún. Slóg hentar vel sem lífrænn áburður jafnt fyrir matjurtir sem og aðrar plöntur og grös. Rannsóknir hafa sýnt að köfnunarefnisinnihald í fiskslógi nýtist betur en köfnunarefni úr tilbúnum áburði, þar sem stór hluti tapast við uppgufun. Slógið hefur mun lengri virkni í áburðargildi þar sem frumefnin eru á lífrænu formi og losna hægar út í jarðveginn.

Starfsmaður

• Ásbjörn Jónsson
  Verkefnastjóri
  Sími: 422 5017

Rannsóknarsvið

• Vinnsla, virðisaukning og eldi