Lífvirkt surimi þróað úr aukaafurðum

Markmið verkefnisins er að þróa og setja upp nýjan vinnsluferil til að framleiða hágæða lífvirkar surimiafurðir úr vannýttu og ódýru hráefni. Það er mikill skortur á hágæða surimi í heiminum og einnig mjög vaxandi eftirspurn eftir afurðum með lífvirkni og heilsubætandi áhrif. Því er mikið tækifæri núna fyrir Ísland að hasla sér völl á þessum markaði. Í verkefninu verður ferillinn hámarkaður og eiginleikar afurðarinnar mældar og staðfestar af viðskiptavinum. Nýjar aðferðir og blöndur verða þróaðar til að framleiða nýja afurð, lífvirkt surimi, með áherslu á vörur sem geta stuðlað að bættri heilsu neytenda. Surimi afurðir verða síðan framleiddar á stórum skala og settar í umfangsmikil markaðs- og neytendapróf erlendis. Undir lok verkefnisins er ætlunin að á Íslandi verði komin í gang arðbær surimiframleiðsla sem mun leiða af sér fleiri störf, aukinn fjölbreytileika í framleiðslu sjávarafurða á Íslandi og aukningu gjaldeyristekna.

Verkefnastjóri

• Hörður G. Kristinsson
  Sviðsstjóri / Rannsóknastjóri Matís
  Sími: 422 5063

Rannsóknarsvið

• Líftækni og lífefni