• Þátttakendur í neytendakönnun

Alþjóðleg neytendakönnun á fiski: Mismunandi bragðlaukar eftir löndum

13.10.2005

Fyrr á þessu ári fór fram viðamikil alþjóðleg neytendakönnun á fiskneyslu á Íslandi, í Danmörku, Hollandi og á Írlandi. Rf sá um framkvæmd könnunarinnar hér á landi og er nú verið að vinna úr þeim gögnum sem söfnuðust. Í nýlegri frétt á heimasíðu SEAFOODplus - verkefnisins er greint frá fyrstu niðurstöðum.

Könnunin fór fram samtímis í löndunum fjórum í mars og apríl s.l. og var greint frá henni hér á vefsíðu Rf á sínum tíma. Á meðal þess sem lesa má út úr könnuninni er að neytendur hér á landi eru almennt jákvæðari gagnvart fiski en neytendur í hinum þremur löndunum, sem kemur etv ekki á óvart þar sem fiskneysla hér er meiri en í hinum löndunum. Hollendingar reyndust minnst spenntir fyrir fiski, sem er í samræmi við þá staðreynd að fiskneysla þar í landi er minnst af löndunum fjórum.

Þær fisktegundir sem prófaðar voru á neytendum í könnuninni voru þorskur og lax og voru afurðirnar matreiddar úr bæði fersku og frosnu hráefni.  Voru öll þorsksýnin í könnuninni undirbúin hér á landi og síðan flutt með flugi til hinna landanna og sömuleiðis komu öll laxasýnin frá Danmörku.  Neytendur í löndunum fjórum voru því að prófa sömu sýnin. 

 Lesa frétt á vefsíðu SEAFOODplus



Fréttir