Starfsstöðvar

Matís um allt land

Frá upphafi hefur Matís byggst á neti starfsstöðva um allt land. Starfsstöðvar eru nú fimm talsins, að höfuðstöðvum fyrirtækisins í Reykjavík meðtöldum og er starfsfólk þeirra tengt öllum fagsviðum fyrirtækisins.

Áherslur starfsstöðvanna eru fjölbreyttar og endurspegla vítt starfssvið Matís og faglega þekkingu innan fyrirtækisins. Að sama skapi taka starfsstöðvarnar einnig mið af nærsamfélaginu á hverjum stað og þeim þörfum sem þar eru. Þannig eru starfsstöðvar Matís á Ísafirði og Akureyri í nálægð við stærri eldis- og sjávarútvegsstaði landsins. Mælingaþjónustan í Neskaupstað er mikilsverð bæði fyrir framleiðslufyrirtæki og opinbera eftirlitsaðila á heilbrigðissviði á Austurlandi og hjá Matís á Hvanneyri hefur hefur byggst upp mikil þekking á sviði fjölbreytts landbúnaðar.

Með starfi út um landið undirstrikar Matís vilja fyrirtækisins til að vinna með aðilum heima í héruðunum að fjölbreyttum verkefnum sem treyst geta atvinnulíf, aukið nýsköpun og fjölgað störfum. Stefna Matís er að á komandi árum efli fyrirtækið þessa áherslu enn frekar um allt land.

IS